Green Urban Mobility

Abenduak 3 - Europa Biltzar Jauregia (Vitoria-Gasteiz)

Garraio publikoa ez da soilik tokiak lotzen dituen edo azpiegitura berrien bidez hiria berroneratzeko motor gisa ulertu behar — Gasteizko tranbia adibidez —, baizik eta berdintasunean, jasangarritasunean eta bizi-kalitatean egunero eragiten duen benetako gizarte-justiziako eragile gisa.

Euskadin, zazpi urtetik gorako pertsona bakoitzeko hiru bidaia baino gehiago egiten dira egunean, hau da, sei milioi eta erdi bidaia baino gehiago egunean. Horietako gehienak zuzenean lotuta daude herritarren bizi-proiektuaren funtsezko alderdiekin: hezkuntzarekin, enpleguarekin eta zaintzekin. Mugikortasuna, beraz, ez da soilik gai teknikoa, baizik eta sakoneko dimentsio gizatiar eta soziala, desberdintasunak zuzentzen laguntzen duena.

Ikuspegi horrekin, Green Urban Mobility foroak Euskadi, Espainia eta Europatik mugikortasuna gizarte-kohesiorako palanka bat izan daitekeela erakusten duten esperientzia eta estrategietan jartzen du arreta. Landa-eremuaren eta hiri-eremuaren arteko aldea nola murriztu, periferiak eta hiriguneak modu inklusiboan eta efizientean nola lotu, edo azken miliako logistikak ekitateari nola lagundu eta bazterkeria-faktore berri bat ez bihurtzea aztertzen duten arrakasta-kasuak jorratuko dira.

Halaber, teknologiak — adimen artifizialetik hasi eta big datako aplikazioetaraino — duen eginkizun eraldatzailea aztertuko du foroak, mugikortasun-sistema adimentsuagoak, jasangarriagoak eta, batez ere, bidezkoagoak diseinatzeko aliatu gisa.

Programa

ABENDUAK 12

09:00 ATE IREKIERA ETA AKREDITAZIOA

09:30 - 10:00

SARRERA

Susana García Chueca (Mugikortasun Jasangarrirako aholkularia, Eusko Jaurlaritza)
Maider Etxebarria (Gasteizko alkatea)
Jose Antonio Santano (Garraio eta Mugikortasun Jasangarrirako Estatu Idazkaria, Garraio eta Mugikortasun Jasangarriaren Ministerioa)

10:00 - 10:30

1. HITZALDIA. "Mugikortasun jasangarria hiri handietan."

Laia Bonet Rull (Bartzelonako Udaleko alkateordea. Hiri Plangintza, Mugikortasuna, Ekologia, Hiri Zerbitzuak, Auzo Plana)

10:30 - 11:15

1. MAHAI-INGURUA. "Mugikortasuna gizartea indartzeko."

Landa-hiri ikuspegia - Jon Nogales Prieto (Mugikortasun Iraunkorreko eta Bide Azpiegituretako foru diputatua, Arabako Foru Aldundia)
Mugaz gaindiko ikuspegia - Vilmos Oszter (Budapesteko Garraio Zientzien Institutuko ikertzaile nagusia)
Garraioa osasun-tresna gisa - Unai Martín Roncero (EHU)

11:15 - 12:00 COFFEE BREAK

12:00 - 12:30

2. HITZALDIA. "Trenbide eta tranbia garraio publikoaren bilakaera denboran zehar eta gizartean duen eraldaketa-eginkizuna."

Juanjo Olaizola Elordi (Trenbidearen Euskal Museoko zuzendaria)

12:30 - 13:15

2. MAHAI-INGURUA. "Digitalizazioaren eginkizuna mugikortasunerako sarbidea errazteko."

Digitalizazioa eta biki digitala - Sara Barreal Jiménez (Mugikortasun Jasangarrirako Estrategia Zuzendaria, Eusko Jaurlaritza)
Sara Hernández del Olmo (Mugikortasun Jasangarrirako Idazkari Nagusia, Garraio eta Mugikortasun Jasangarriaren Ministerioa)
Mobility Lab: nola bultzatu berrikuntza eta mugikortasun eta logistika-datuak - Iñigo Bilbao (Gasteiz Mobility Lab Fundazioko zuzendaria)

13:30 - 13:30 ITXIERA ETA ONDORIOAK